Ka Pianna ram nuam (Lyrics)

Phuahtu: Thansanga Chawngthu

Key: C

Ka pian, ka seilenna rma nuam,

Aw, Zoram, ka hmangaih che;

I mawi e -  thang, lenbuang zing leh

Vul chhing chheng pawmawite nen;

Sikni eng leh furkhaw thiangah,

I mawinain tlang tin a khum;

Rengchal, dawlrem, kawrnulengte’n,

Zai tin thang an remna chu.

Huaisen, tlawmngaih leh rinawmna,

Dimna leh thianghlimnate,

Lenlaiin I sakhming mawiin,

Tlang tin dung a fang del del.

Kan lawmin zaiin kan awi che,

“Vul reng rawh, ka pianna ram nuam,”

Zotuithiang dawn zaleng zawng hian,

Leng dang kan ngai bil love.

Mahse, aw Zoram, khawnge maw,

I mawina par vulte kha?

I chhungah sual leh thamnate’n,

Tual an leng a pawi ngei e.

Aw Zoram, lo harhchhuak thuai la,

Dikna, felnate sin leh rawh;

I Pathian rorelna hmaa

I din ni thlen hma ngei hian.