I harh ang u (Lyrics)

Phuahtu: Zirsangzela Hnamte

Key: A

Ka hring nun hian khawvel ah hian,

Muanna a zawng thin a;

Thlaphang hlauthawng mangang lova,

Damchhung tawi te hman a nuam thin e.

I harh ang u Zofate,

Kan ramin min au ve,

Hlemhlet nunrawn hnutiang chhawnin,

Pheilai i khai rual ang u.

Hmangaih hmangaih lohna kan ti,

Mahse hmangaihna hian;

Kan thinlungah takna a nei ta lo,

Kan nunmawi suar ang a chim zo ta.

A der maia inhmangaihin,

Zoram chhan ngai kan ti;

Mahse mahni hamthat nan chuan,

Zoram kan nghilh leh si.

Pipu nunhlui zahawm tak kha,

Ka van ngai thin em aw,

Zoram, tunah han thlir ve teh,

I tan kawl eng a hnim ruai e.

I ui lawm ni , i ui lawm ni?

Kimten han dawn ve la,

Kan zo nunmawi, hnam hmachhuan ber,

Muang ten rial ang a ral mek e.