Hraite, Khawnge, chun ve kha? (Lyrics)

Phuahtu: Rokunga

Key: A

Hrinhniang hraichawi te, i lo piang a,

Mi zawng laiah i riang hluan e;

Mim ang i pianna chun ngei kha,

Rihtlangpui zamual a liam ta e.

Ami hraite’n chunnu tang an bel,

Hlim leh muang te’n zan mu an chhing;

Hrai te, khange i chun ve kha,

Mahte’n laikhuma i lo zal le?

Zuapa siran maw a bei hle hle,

Thangril laia’n a lo harha a;

Nu hnun tui ngai a lo tap e,

Zua luaithli tui ang a lo hnam e.

Mahriak chuan chawi tlei ka zuam nem maw,

Chung khuanu’n a hual zel ang che;

Thil tha pawm la, kawng dik zawh la,

A siam lian ngei ang che rual khumin.

Rual duh leh tlang zawng ka sawm vel e,

Rairah riang tan kan rawn ngen e;

Khawngaih thilpek rawn hlan ve la,

Van khian malsawmin a chhang ang che.