Phuahtu: Rev.Taisena
Key: G
Hlim takin i chawimawi ang u, kan Remna Lal lo piang hi,
A lalthuthleng, a mi thianghlim, lallukhum hnutchhiah vekin,
Keni suala vakvaia chhanfamna kawng min eawn hrilh hi,
Fak rawh u, Chi tin, tawng tinin Lalber chu chawimawi chiam r’u.
A fakna adai tawh lo’ng,
Khawvel tawp hun thleng pwhin;
Ni tin, kum tin, a fakna a zual zel ang chatuan thlengin,
Lei leh van ral hnu pawhin angel varho nen kan fak ang.
Bawng in tlawmah lo piangin ranthlengah lo mu mah sela,
Amah mi lian a ni, a ramin kin ni a nei lo vang;
Chhak, thlang, chhim leh hmara mi, thihna daihlim hnuaia thute,
A lalna fakin ni tin, thla tin, kum tin an pung zel ang.
Eden huanah Setana’n kan lallukhum min chhuh hnu kha,
Tunah hian kan Lal Isuan a hneh a, min rawn pe leh ta;
Chuvangin, nula, tlangval, naupang, pitar, putar, mi tin,
Lalberte Lalber fakin tuipui fawn vel angin zai r’u.
Leia mipui chhiar sen loh leh van angel chhiar sen loh nen,
Aw Lalpa, i hmangaihna thukzia, zauzi, seizia, sanzia;
Fa neih chhun pawh zuah lova kan tan i rawn tirh avangin,
Kan aw aneih chhun leh kan theihtawpin tunah hian kan fak che.
0 Comments