Chunnemi (:Lyrics)

Phuahtu: Rokunga

Key: A

Chhung tin run in lumtu chu chunnemi,

A tel lo chuan chhung tin rel a kim si lo;

Rin pui ber tangkai ber chu chunnemi,

A tel lo chuan chhung tin rel a kim thei lo.

Chhung tin khaidingtu ber chu Chunnemi,

A mi hluain awl ni reng a nei si lo;

Run in chhung thim entu Chunnunnemi tel lo chuan,

Kan run in chhung duh tin rel a kim thei lo.

Chhung tin tan pawi ber mai chu chun lunglian,

Run inchhung ah chhim thlipui  a lo hrang e;

Ang buan buan, rum vung vung e, bang thei lo,

Kan khartung ritleng sawn lai a her tliak e.

Chhung tin tan pawi ber mai chu chun lung lian,

Keipui ziatial lai iang a lo hrang e;

A ang sen huam mai thin e, run chhungah,

Run in chhung beram note an tlan del del.

Chhung tin vawng remtu ber chu chunnemi,

Chinlai, unau, thenrual leh mi tinrengte;

Hmangaih leh thatnain a lo hip a,

Chinlai unauten a thatna par kan tlan.

Chawimawiin awm zel ang che, chun nunnem,

Khuavel entu varparh arsi eng mawi chu;

Chung PATHIAN malsawmna i tan kan ngen,

Chhung tin run in thim en zel la, dam reng rawh.