Chun leh Zua ngaih

Phuahtu: Zirsangzela Hnamte

Awmhar zual niten ka dawn thin a,

Chhungkim dar ang kan lenlai ni;

Chun leh zua chawia kan lenna run,

Tlai khua iangin a ngui riai e.

Engtin han ngai ve ang maw aw,

Rihsang kai hnu chun leh zua te;

Bawhar chun lo iang kan vai ruai e,

Lunglen tahkhua a sei vawng vawng.

Then leh rual chinlai zaleng zawngte,

Ka chun, ka zua tiin an leng;

A na lu a ni ka dawn khawlin,

In tel lova tlaini len hi.

Hmanah chuan maw in tanghnem belin,

Chan tawk thu tin ka hril thin a;

Tunah erawh chuan thinlai ril vei-

Tinkim mahten ka tahpui thin.