Phuahtu:Lalmama
Key: E
Hmakhawsang nghaleng dawi Chhurbura kha,
Zaiin ka hril dawn e;
Suihlung a rualpui lenrualte zawng khan,
Zamual an liam zo ta.
Kir zai rel thei lo, liam zai rel thei lo,
Chung tur-a ni thlangtiangah a liam dawn e;
Vangkhawpui tumkawng zalam thuam luaiah.
Sial ang a ngir an ti.
Turni pui lenkawl a liam dawn ngei e,
Tlai khau a ngui zo ta;
“Kir leh ta’ng e kei ka siang lam rawnah
Awi maw! ka kal thiam lo.
Hrailengte lawm tur lengngha ka hawn lo
Chhimthlipui iang thai lunglian engtin hrang maw?”
Vangkhawperpui dung rawn tawn ngam si lo,
Daikawm a rawn hel e.
Khuafur hawktui thangvawkpui ruang bualna,
Laichhuat run in hnuaiah;
Lenchawm beng tawkdangi chawnban a vuan e,
“Chei! Amah ‘tun khaia!
Mi ute hmuh loh, mi pa te hmuh loh,
Lengngha hneha tuai pir per ka tawng kei zawng;
Hmuh ka nuam ngei e, ka thai nemuaii
Hraileng ka tuaite zawng!!”
Chinlai khawm lenrual lo pung run lumah,
Tlang hrai a rel an ti;
Suihlung phang tawkdangi lo zuang chhuakin,
Pi khup a kai an ti.
“Pi khup ngawi reng rawh, pi khup ngawi hle hle,
Pi khup ngawi la, tawkdangi a tlan ang e;
Hemfung chawi, thinlai vai Chhurbura khan,
Pi khup a khawng vung ul.
0 Comments