Aw Zoram nuam, i hming a mawi (Lyrics)

Phuahtu: Rokunga

Key: E

Aw Zoram nuam, i hming a mawi mang e,

Kan pi kan pu mi thate lo pianna;

I tlang, thing zar, thlifim, i zo tui thiang reng hian,

Rilru sang tak leh nun mawi tak min pe.

Kan ram, kan ram, i hming a dai lovang,

Kan pi kan pu mi huai leh tlawmngaite;

Tun thleng hian lairilah an cham reng e.

Aw Zoram nuam, i hming a mawi mang e,

I lenthla leh i kimtlang reng a mawi;

A thing zar mawite leh i tlang gmun tual nuam hi,

Pialral ni eng rengin a rawn chhun che.

Aw Zoram nuam, i hming a mawi mang e,

I lawmna kung tha zung zam vel zawng hian;

Dan tha leh mawi apiang vuanin a phuar vel a,

Ni tin malsamnaten an nghak reng che.

I mite huaina leh dan thianghlimte,

Aw, i tlawmngaihna dan maiw ber mai chu;

Tunlai kan thilungah lo thangkhawk nawn leh se,

Pangpar rimtui angin leng vel rawh se.