Phuahtu: R.L.Kamlala
Key: D
Aw ropui ber, Haleluia!
Kan fak a che, Imanuel;
Chawimawina leh lalna zawng zawng,
Chatuanin i ta a lo ni.
Haleluia! Haleluia! Amen,
Haleluia! Haleluia! Amen.
Khawvel hringmi hnam ze tinreng,
Angel var nen lung kan rual e;
I tlanna thisen azarah,
Salem thar tualah kan leng za.
Aw, a thukin a va sang em,
I finna leh i hmangaihna;
Thlarau khawvela rimawite
Leh van tawngten an puang seng lo.
Aw, min hrilh rwawh thukna ropui,
Ranthleng leh thing anchhe dawng leh
Vana lallukhum a inzawm,
Lei Eden leh Salem thar nen.
0 Comments