Aw Rairah an riang em e (Lyrics)

Phuahtu: K.Saibela

Key: G

Hmana  pi pu hnam lungmawlin,

Chunnu sakruang thlafam chang hnu;

Doralah maw an chantir thin e,

Hraichawi saisen dairial a channa.

Aw Rairah an riang em e

Thlang khaw  sumtual damna runah,

An khawm naunawn chun tawng lo chu;

Run an rem e, Zawlkhawpui laitualah,

Cchun lem an bel khuanu leng hualin.

            Aw Rawirah an riang em e.

Kan nun sangin thang zel mah se,

Chantawk khuarel kan dang zo lo ;

Hringmi dairial thlafam a channna,

Saisen chun ngaiin a au leh thin.

            Aw Rairah an riang em e.

Lalpian champha a lo ni a,

Leng zawng an hlim, lenlai an chen;

Rairah an riang kher mang e saisn,

Chun lova laitual an leng tur chu.

            Aw Rairah an riang em e.

Bethehem tlang mawina zarah,

Kan awn ngen e,rairah riang tan;

Chunnu ngai sial ang an tuailen nan,

Khuanu’n a hual ang che kutluangin.

            Aw Rairah an riang em e.