Phuahtu: Selhranga
Key: A
A lo thang Chhandamtu pian thu,
Bethlehem dai bawng in tlawmah;
Keini sual bawiha tang hnute,
Min chhan chhuak turin a lo ni.
Aw, tunah hian lo thang leh se,
Kan aw neih chhun zawngin;
Kan tana nausen duhawm lo piang chu,
A nu kiang ngeia dingin;
‘Chungnung berah ropui rawh se,’
Tiin kan zaipui ang;
Kan tana nausen tlawm taka lo piang,
A hmingthan lo zual rawh se.
Amah fakin van mi thianghlim,
A pian thu hrilin an lo zai;
Amah faka lo zaipui tur,
Kan mihring zingah an awm lo.
Keini mihring sual fa mah hian,
Kan pian niin lawmtu kan nei;
Chhandamtu pian ni lawm turin,
Aw, tunah i kal thuai ang u.
A lo pianna bawng in tlawm chhung,
A thihna thing anchhe dawng chung;
A ran nun nawm ni awm lovin,
Kalvari tlangah an tuartir.
Hmanaah leiah lo tlawm mah se,
Tunah van chung sang zawkah khian;
A lal thu leh a hmangaih thu,
Van mi sang tam tkain an puang.
0 Comments