Phuahtu: Ch. Pasena
Key: F
Sikul ka luhh tirhin mikhual ang ka ni a,
Ka pawl min siam sakin, ka hming an han ziak a;
Mak ti awm fahranin “A!” ka han ti phawt a,
Lungleng awm tak maiin “Aw!” ka han ti a.
I kir leh ang vakhuaan, Nu leh Pa unau leh Thenrualte lawman.
B ka han sa ta, chhawn tur van vei vei nen,
Ka kawi bawm min ti ngai, kan tual zawl nuam tak nen;
Ban hma loh phei hi chuan CH ka lam ka lam thin,
Ei tak tak si lovin D hmun ka thleng thin.
Phul emaw ka lo ti, E a ni awzawng lo,
F ka han kai hi chuan a lo awzia ta zawk;
G ka han kai leh chuan vai rim a nam rum rum,
Aieng awm si lovin “NG” ka tih tak chu!
Hahchhiau chhuak ang maiin “H” ka han ti a,
Zungchala kawk zelin “I” ka han ti chiam a;
Mal rawl teuh ang maiin “J” ka ti thel thawl thin,
K a kal si lovin thui tak tak ka kal.
Lo zir hmasa te hi L ngawt ka tum ta a,
Lum ti awm tak maiin “M” ka ti em awm thin;
N lovin ka zir thin, dangnal hnuah phei chuan,
O ka ti o o thin, vawnka tum vangin.
P ka han lam apiangin ka pu pawh ka hre thin,
R ka lam erawh chuan kan sumhmun la hre thin;
S ka kai leh hi chuan, ka saisik seih seih thin,
T ka kai achinah ka ti ti ta thin.
Vai ral kian hnu pawh hian T ka ti leh dek thin,
U kianga ka awmin, ka lo uang em em a;
Khuai lam te pawh zirin “V” ka ti vang vang thin,
Z ka lo thleng ta a, ka chhiar zet zet mai.
0 Comments