Zo nun mawi (Lyrics)

Phuahtu: Zirsangzela Hnamte

Key: C

Lenrual te u i dawn chiang ang u kan nun hi,

Kan pi leh pu nundan mawi kan chhawm kha,

Tlawmngaihna hlu, rinawmna leh,

Thudik tana huaisen na te’n ,

Tunah mual liam tumin phurhhlan an siam tak hi.

Zo nun, zo nun mawi,

Tap tapin ka au ding zo si lo aw,

Zo nun, zo nun mawi,

Liam lovin la cham rih hram rawh aw.

Tunge dik lo tia zawng buai mai mai lovin,

Keimahni theuh inenfiah zawk ila;

Kan zo nun mawi, kan hnam pangpar,

Kan ram riangte tinuamtu kha;

Kan tlang ram mawiah hian i vultir leh ang u.

Aw zo nun mawi chul tur par ang lo vul leh nan,

Nang leh kei hi kan pawimawh ber si a;

Mizo nih mai hi a tawj lo

I ram hmangaih mai a tawk lo,

I nunah ‘Zonunmawi’ inlar chhuak ngei rawh se.