Vau Thla

Key: D                        -Lalsangzuali Sailo

Ka hawi vel turnipui sensa hnuaia’n,

Tuangtuah leh vau par tin an vul chiai e;

Thlirin mual tin romei a kai chiai e,

En chim loh aw Vau thla eng nuam.

Aw Siamtu kutchhuak reng lo ni e,

An fak ning lo hram thiam aw mawi zawng te’n;

Thlir ve teh u, khua an mawi hluan e,

En chim loh aw, Vau thla eng nuam.

Sik nipui tuar hnu thing lenbuang zawng pawh

Chawr tin duatin hnah nem chhuah hring nghial e;

Zai tin rem thiam lelthang ngirtling chenin,

Vau thla ni eng an awi bang lo.

Tlai neman hringfa zaleng naunawnte’n,

Van dumpawl riai boruak thiang leng kara’n;

Leng tin kaina sumtual an nui hiau ve,

Thlangtlai liam tur kawl eng hnuaiah.

Aw, par tin, nungcha leh hring nun chen hian,

An ral leh thin ni rei leng thei lo hian;

Mahse Vau thla hun mawi ber leh duhawm,

Cham reng mai la pialleiah hian.