Phuahtu: Zisangzela Hnamte
Key: D
A khi chhaktiang thar sa zuk sial lenna,
Sun vung kham rang chawi vel;
Zopui thiang leh Sihpui hual vel,
Tanpui mi hrang thlafam kaina.
Auh kir rual loh chhuihthang vala,
Tawn leh ni tur tiamin,
A liam ta maw, vangkhaw pelin,
Chhailai len mawi, i lunglen nan.
“Lenkawl a eng, Val rual tho r’u” tiin
Bawh –ar thiangan a hril,
Zoram chhan tur mihrnag rualte,
Chengrang chawi rammu an liam ta.
“Tawn leh ni chuan di nen vangkhaw zauvah
Kumtluang run rem relin
Kan Zoram tan fanau chawiin,
Riah run kan lum ve taw’ng a ti.
Mahse Vala’n duhthu a sam sual e;
Tan langpui thlen ni chuan
Doral hrangin hmatiang an sawn,
Hrang rual lengngha iang an dang ta.
Aw zam ngai lo Chhuihthangvala,
Ngen hrang karah dingin,
Chengrang chawiin hmatiang a sawn;
Chanwban vawrin sakhming chhal e.
Zoram tan leh i tana nun pein
Zopui mihrang a fam ta!
Thuchah hnuhnung Hmangaihi hnenah
Ti hian biahthu a hlan ta a;
“ Aw sel lo se Valnuntawia hi,
Hringnun hlimten hmanga
Piarala ra mawi a lo kaiin
Ka lo hmuak nang e chhuahtlangan,
Ka lo nghak nang run lumpuian.
0 Comments