Thal Favang Kut

Phuahtu: Zirsangzela Hnamte

Kan rel thiam chuang e leng zawng laia’n,

Long khawnpui pai ang pawm lai Zofaten;

Haihchham lo ten kawrvai lam hlaa’n pawh

Dawn thiang siktui ang kan chen e Thalfavang kut.

I awi nawn leh nang zaia lamin,

Kutpui kan tawng kan vannei e.

Lungrualtea sir sawn zain Zofa leng zawng

Damlai pialral chhim chu keimahni.

Pi pu lamtluang tharte’n theu lehin,

Khel tin ziarang kimten kan tharpui thin;

Hei ang renga than siam Zofa chhing kim,

Awihlai kutpui, suanglungpui iangin ding reng rawh.

Vanglai ni leh Kutpui liam tur hi,

I am ang aw, chhei! Len lai kan chen e;

Tawn leh ni khua rei tur hi dawn ve la,

Kan chen Kutpui hi maw Zofate malsawmna.