Tha sensiar

Phuahtu: C. Vanlalsawma

Van khawpui mawi tu, tleitir sakhmel mawi,

Lengzawng chungah i mawi chuang e;

Suihthang val lung i dum zo ngei,

Van hnuai khawvelah, i chhing zo awm maw!

Par zawng zingah hian i mawi chung chuang ngei e.

Aw tha sensiar par tin khumtu,

Thlir nin i har lengzawng zingah;

Chuai lo par iangin vul zel la,

Vangkhaw mawiin vul zel ang che.

I sakruang kimtlang, i bahsam leng siau,

Leh i sakhmel mawi hian i thadang;

Fur khawthiang Chhawrthlapui i iang e,

I anka dam diai tawn ni awm ve maw e,

Vakhuai par tlan iangin, i par zu dawn ka nuam ngei e.

Chhuihthang val rual ten, thlirnin har an ti,

A chun hraichawi thadang no nghiang;

A chhing zo reng, ka tawng lo’nge,

I anka thlumin vakhuai zu iang e,

A fan chhuak ngei e aw, zaleng naunawn thinlung ril.