Tah lai ni kawl kung

                                    - Lianmana

Tah lai ni kawl kung, zamual a liam thei lo,

Ngaih lai tuaite, lungchim taka then zawng chu aw;

Ka riang lua e, lungduh suulhnu hmun hlui nghak,

Thuva awmhar, chul lo awi i dungthulin.

Ngaiin ka au zel dawn e, ni ri riai.

Thlang tlau tla hnu, hmana thinlai lung damna,

Chawnpui ianga dam lai par mawi kan vulna.

Ngai zual ila, tlangza awmhar leng hnehin,

Rualkhum ila, lung lam lenah thang mawi maw e;

Ka bang lo’ng e, khuarei kum sang ral mah se,

Tawn leh har lungrun zual aw, i hming sawi chu.

Par chhingchhengte an vul leh dawn khua thalah,

Dawn har mi hril khua romei a zam thar leh e;

Kei chu rianghlei fam ro-lung-mual nghak turin,

Ngaih lai tuai te, lunghnem aw, i tel lo chuan.

Thlamfam tumkawng zamual i liam tawh hnu kha,

Lo kir leh la, chawilai nau ang kan tlei lo e;

Zankhua hrui ang a sei, zan mu chhing lo te’n,

Tinkim dawnpui lungrun aw, lo tho leh rawh.