Sawmfang kan thlawh

                                    -  Thangsena

Sawmfang kan thlawh, lentu zingah a ni nghual,

Raltiangah a hring no nghil nghial;

A laiah run in buk-thlam ar ang lawina,

Berhva lung rual ianga kan nuihna.

Sawmfang a no nghil nghial,

Zalam kawng a phei rual;

Lawm rual hlima sawmfang zawnga ram tuanna,

Aw, ka ngai e, kan Zoram nuam hi.

Tur-ni lo sa, khuangruah lo sur mah sela,

Kawlah virthli lo leng mah se;

Chawnban hlim, sawmfang zawn kan thulh chuang lo,

Pawl ka ti lo, ka lawm-nu, tang rawh.

Sawmfang hnuaiah thlai chi tinreng a zam a,

Chu reng chuan sakhmel a tihlim;

Sawmfang zawn nan, ban tha, ngal tha kan ui lo,

Run In-a leng tur, buh za reng hi.

Rin ang ngeiin kum tawp hun a lo thleng a,

Sawmfang kan chil, fangrawng kan au;

Bahsamah par mawi vul tinreng kan tawnna,

Lam ang letin sawmfang kan chil thin.