Run hmun len i rel ang

Key: E                         - Zirsangzela hnamte

Hman ah khua hmun len lai in,

“Ka hmangaih ber che” tiin

Kumtluang rinawm min tiam kha,

Eng vang nge I sut leh ni?

Sakhmel tawn loh chhung tawi te hi,

            A rei lua em ni lungrun?

            Ti maia inthen tur chuan

Biahthu di kan tiam loh kha.

Tiamthu sut ka tum nem le,

Mahse ka chinlai lengte’n;

Kum sul pawh a vei hmain,

Leng dang a chhai an ti che.

Hmelma anka leng mai maw,

Lung I her chhan le valmawi?

Kei chuan e kumtluang atan,

Leng dang chhai ka tum nem le.

Min ngaidam rawh aw bawihte,

Leng dang chhai ka tum bik nem;

Duh luat vang chein vala hian,

Lung lem hi ka nei lo ve.

            Tuanna tlang dang rih mah se maw,

            Thaikawi bawngte tir ila;

            Khua hmuna len leh ni chuan,

            Run hmun len I rel ang aw.