Ral a lian e, khawvelah hian

                                    - Siama / Thanghuta

Ral a lian e, khawvelah hian,

Setana ral ni tin a lo lian zual zel thin;

I Thlaraua min thuam loh chuan,

I hming mawi hi, Lalpa, ka tan ngam lo a che.

Hmana zirtirte i thuam ang khan,

I thlarauin min thuam langin;

Rinin i hmel mawi min hmuhtir la,

Lawmin i hming kan fak leh ang.

Kalvari tlang chungah Lalpa’n

Kan sual vangin lungngaih hrehawm tinreng a tuar;

A lungngaihna nghilh rual loh chu,

Sual vang hian, aw, a lungngaihna kan nghilh zo ta.

Min ngai dam la, aw, Lal Isu,

Ka tan i lungngaihna hai der tawh mah ila;

Nagng chauh ka hma ngaitu i ni,

Ka ngai em che, Lalpa, I hmel min hmuhtir rawh.

I ram tungding turin Lalpa,

I tlan sate syal bawih ata hruai chhuak turin;

Sual ral liante do leh turin,

Kan zam zel thin, Imanuel, hma hruai leh rawh.