Phurh zawh loh zun

      - Zirsangzela hnamte

Khaurei nghah mai hi maw ka theih tawk ni ta,

A va lo mak em I zun ngaih hi!

Nghilh I har mang e, Di I kan nun kha zawng

A thar zel ang ka tan dam chhungin.

            I sakhmel tawn changin thinlai a thar thin,

            Engtin nge ka tuar ang lunglen hi?

            Mual liamin tlei dang tang I bel ta si!

            Engah nge Khuanu leng reng reng pawh hian ,

            Min lo hlan mai le Phurh zawh loh zun.

Chan tawka lungawi dan tal hi thiam ila

Engtia na mah ni se lunglen chu;

Damtein ka lo tuar nem ve tawh mai tur,

I lungdumtu tling lo mah ila.

Nghilh lo di ngaih ber e, lo kir leh mai rawh,

Par mawi tin piallei run mawitute;

Uai lo kumtluang par leh si-ar zawng ai paw’n

I mawi ber si e kei ka tan hian.