Lettu: Dr. lalhuta Sailo
Key: E
Pathianin mi sual a hmangaih,
Tlu chhe boral hnu kha;
Chhandamna famkim hlu tak chu,
Man lovin mi a pe.
Aw, hmangaihna mak tak chu,
Min hmangaihna a ni;
Ka chhandamtu chu a rawn tir,
Kalvari thi turin.
Rinin Amah ka tan ka hauh,
Pathian Fa tholeh chu;
A thihnaah tlanna ka hmu,
Sil faina thisen nen.
Hmangaihin thil tha a rawn thlen,
A mite a hriattir;
An thinlung sual a tihrehsak,
Krista rin avang chuan.
Ringtute lawmin kal rawh u,
An lo pe ang che u;
Leia in thil hriat lawk hlu hi,
Vana nun tawp lo chu.
Setana chakna hnehna chu,
Fakin chhandam zai r’u;
Krista, kan Lalber leh Pathian,
Thihna vanga hneh chu.
0 Comments