Par mawi thang vulna

Key:C                         -Liandala

Kan tlang ram par vulna,

Thal khua eng riai romei karah;

Lenkawl turni nen duai,

Zai tin rimawi an chiar nghian e.

Phuchawng, nauban, ainawn par,

Tuah, vau, chhawkhlei, senhri par;

Chawnpui, pang, samtlang, dingdi,

Par mawi thang vulna, Zoram hmun zauvah.

Fan changin tlang lian te,

Lunglen kan uai par zun lengah;

Chhuahtlang lamtluang zawng leh,

Thing tin rihnim pawrin a bawm.

Chhaktianga’n par a vul,

Chhawkhlei, ainawn, chawngtlai, hawilo;

Phunchawng pui phai bawmtu,

Thingsir leh mualhawih, chawnpui par.

Thinlai hnem par lawmna-

Zozam, chuailo, derhken, arkhuan;

Chin par mawi thang vulna,

Ram bukthlam leh run in sumtual.