Ngai Rawh, a Lo Kal leh Ngei Dawn e

                                    - Manhleia

Ngai rawh, a lo kal leh ngei dawn e,

Ropuina nen van chhum chungah;

Kan Lal Imanuela chuan,

Khawvel ro a rel dawn.

Hnam tin, chi tin, a Lalthutthleng hmaah,

Chanchin hrilin an inkhawm ang;

Salem Lalpa hmaah chuan aw,

Enge ka hril ang?

A hmel ropui, ni anga engah,

Ramhuaiho leh hmelma zawng chu;

Tlante kan hlimna ni-ah chuan,

Hlauin an khur tawh ang.

He khawvel lungngaih hrehawm pelin,

Kal hamsa leh angel var nen;

Salem thar tual nuama lengin,

Nun reng a kin lo ang,

Lungngaih leh tah reng a awm tawh lo’ng,

Van phaiphuleng ri aw mawi nen;

Kalvari Beramno hliam hnu,

Fakin zai kan rem ang.