Mizo fate u, finna zawng ula

Key: G                        -Thanga

Mizo fate u, finna zawng ula,

In theihtawpin bei rawh u;

At leh sual dovah inbuatsaih ula,

In hriamhrei pawh keng rawh u.

Keimahni Zo tlang ram nuam takah hian,

Finna leh ropuina tui kan in ang;

Hma lam kan um ang, thim a kiang ang,

Eng leh thawven a leng ang.

Ka nu, tap suh, vai ramah ka kal dawn,

Rei lo te kan inthen ang;

Kan Pathian zarah kan dam tawn ang a,

Ka nu, kan inhmu leh ang.

Vai ram ata ka lo hawn leh hunin,

I hlimin I lawm ang a;

Kan lungngaihna hi lawmah a chang ang,

Tunah tap rih mah ila.

Ka u ka nau leh ka lenrualte u,

Dam takin lo awm rawh u;

Vai ramah hrehawm hlauhawm ka tuar ang,

Kan ram chhanin ka tang ang.

Mizo ram, nang hi I ni ka hmangaih,

I thatna tur ka duh hi;

I ropuina theihtawpin ka zawng ang,

I hming lo than mawina tur.