Mangan buaina doral a lian e

Mangan buaina doral a lian e,

Lungngaih ni hian, aw, I eng var chhuak sela;

Ral a lian e, Setan ral a lian e,

Min veng ang che i ram chan loin.

Min kalsan suh, ka Lal Imanuel,

Nang ka ngai ber che, Khawlvelah hian;

Buaina ral chu lo lian mah se,

Ka himna ral ven buk kulhpui i ni.

Aw, Chhandamtu, thlemna ral lian chuan,

“Ka pe ang che, aw, Gehen ram nuam,” a ti;

Ka kal ngam lo, mi sual an hrem hmun chu,

I ram ralmuang Kanan ram lo chu.

Lawmna Pialralah chuan leng mah la,

Ka au zel ang che, Chhandamtu, hmel duhawm;

A lo lian e, i ram dotu sual ral,

Ka tan kalna a dal, Nang hneh rawh.

I eng zam vel lalna ram nuamah,

Ral an awm lo maw, ka lungngai tawh lo ang;

Hmuh ka nuam e, min hruai kai ve ang che,

Angel var leh mi thianghlim lenna.