Lunglen tuar zir

Phuahtu: Zirsangzela Hnamte

Key: E

An dawn sual nge kei zawng ka chun leh zua te’n,

Thlang sappui nun zir a run sang mawi ve-an;

Hmangaih Zoram pelin zalna run min dan.

Chhingkhual di lenmawi, Nang ka lo tawng che a pawi ber,

Lem ang min der mai a lo ni e!

Engtin lo ngai ve, Ka chunnu leh zuate khan?

Lunglen tuar zir maia hei chen min tirh hi!

Tangka ro sum kha zawng ka tan in hlan kha;

Khaufur hawk tui iang hian a lo luang ral ta!

Aw ka hai bik si lo in hmangaihna hlu.

Lunglai chhir hian ban mai a pel dawn lo ve!

Thaikawi zirna run sang belh zai rel lo te’n,

Nilen ka lo thlang thin –D-i tang belin.

Van a duai chuang em ni ariang ka tan hian?

Ti maia min then hi ka lo ring ngai lo!

Aw, a na chuang em mai lungmawl ka tuaran!