Phuahtu: Zirsangzela Hnamte
A khi chhak zo bawm romei zing riai,
Zo khaw sang lentu chawi velah khian,
Thiah loh bukthalm iang a ding liai e,
Chhawlthing hnah nemte bawm chii chiain.
Zankhua a tlaiin leng zawngte chuan,
Run-in tap tualah senmei an chhi;
Mahse chu run ram thim riaiah chuan,
Naunawn aw rawl reng a thang ve lo.
Hmanah chuan hlimten laichhuatan maw,
Siali hel vala chham ang zal e;
Tual vawk rawl so ri, bawh-ar khuang nen,
Chiar nghin nghian run kha a chul zo ta!
Sawn ni awm thei lo run in khartung,
Senmei dawhtling pawh rial ang dai e.
Eng vang kher ni ang maw run ram i chan,
Awmlai leng hrangin hel che’m ni le?
Nge, tuan tul vanga tlang dang belh nan
Chhung kim dar ang len i kham zawk le?
Khuai ang rauhsang ru, aw nang ang hian,
Luah loh run min chan ka rual duh ten;
Hlumten lenlaiin kar lam hlaan,
Tuan zai an el ta min dawn lo te’n.
6 Comments
Aw... Pu Zir mi bon chu i va ni em... he hla ka zirlai kha chuan... tar thei khan ka inring lova, ka hlimnate khan min rausan ka ring ngai lo... mahse a lo theih nameuh mai.. tunah chuan he luahloh Run ang mai hi ka chan a lo ni ve ta... rial ang an lo dai ta diak e...
ReplyDeleteType uluk lo ve,mawilo khawp mai
ReplyDeleteNakinah keini aia nau zawk ten an rawn hai let ve ngei anga,a dik lo ang2 hian a ziak ang tih a hlauhawm. Keipawh a hla ho hi seminar neih nan kan hmang dawn a,ka rawn en a,mistake a tam khawp mai,a bikin hla hi chu uluk angai asin
ReplyDeleteKhuai ang rauhsan run tih tur, hlimten lenlaiin tih bawk tur
ReplyDeleteA tha lo hle mai..uluk ve ta che u...
ReplyDeleteI pawngsual a ni ri ngawt alawm....
ReplyDelete