Lenrual an kim ta lo

Key: F                                    -Zirsangzela Hnamte

Lam ang ka lo let leh ta e, Val a,

Min lo hmuak dawn lo’m ni chhuahtlanga’n;

In sakhmel vaiin ka hawi ruai e,

Khaw’nge maw in awm lenrualte u?

Dawn a sei, lenrual an kim ta lo!

Ngai ve maw lungrula  kan lenlai ni;

Mittui nen ka fang in run chul hnu,

Tleidang leng te’n zai lo sa e.

Aw khaw’nge in awm ka lenrualte,

Mahriakin engah min lo siam le!

Chham ang in zalna laikhum tal hi,

In hlan lo em ni ka tan biahthu?

Chungmu ianga thlawkin hrut vel I,

Vangkhawpui kan sul-I hnu zawngte;

Mahse lunglen mittui bual chung hian,

Thangvan sang kai zawh ka zuam si lo.