Lei mite hun bi an chhiar e

Key: G                        -Rokunga

Han thlir ila si-ar thangvan eng khi,

Mahni lamtluang chhui zelin;

Hlim takin an leng van zawlah,

Kan tana ruat reng em lo ni le chung Khuanu lengin.

Aw, enchim loh thlir ninawm lo,

Lei rawngbawla her liaiin;

Lei mite hun bi an chhiar e,

Aw rawl reng awm si lovin biahthu tinkim min lo hlan.

En the khi, Van lasi an lawi em ni?

Chung simeikhu a lo ni;

“Hun a ral kum tam a liam ta,

I hun tha duai reng a liam nem le” tiin min lo au.

Kei ka thu hla mi ngai hi awm ve maw?

Chung si-ar lungmawl mah khian;

“Nunna eng nei la” min lo ti,

Ngawi rengin tawng lovin chet danin I eng ve ang u.