Lawm zel ta nge

Key: D                                    -  Zirsangzela hnamte

Aw vawikhat tal intawng leh I la,

Hlimten laitual ka len ve nan,

I an ka nem vawi khat chauh tawng ila

Tia ka dil a thlawn mai maw lo ni.

           Thuva ianga zaidam nunnem

            Nia ka lo hriat thin che kha,

            A der mai em lo ni Bawihte

            Ka thinlai ril hian a ring thei lo.

I ngai thiam lo a ni e lalnunnem,

Lam ang leta’n ka beisei lo chia,

I lungdumna ka tlin si loh chuan

Hlimtea then ka tum zawk che asin.

Kei zawng lunglen tuar tur reng hian maw

Khuanu’n mi duang a lo ni e;

Hmangaih lungdi tawng thin mah ila,

Ka tan tahna mai an chang leh thin.

            Awle, I lungdumtu ngei chu

            Suihlung siin lo pawm ta la;

            Ka hmangaihna vang che hian maw,

            Hlimte’n I len chuan lawm zel tang e.