Kan Zotlang Ram Nuam hi Thlir Teh u

Phuahtu: Manhleia

Key: Bb                      

Kan Zotlang ram nuam hi thlir teh u,

Parmawi tinreng thlifim lenna;

Pipu chena lenrual lungduh nen,

Hlim leh lawma tual kan lenna.

      Aw, par ang lo vul zual zel la, kan zoram nuam,

      Hnam tin zaleng kan hlim nan;

      Finna, thiamna lo sang zel sela,

      Lungrual te’n kan leng za tawh ang.

Aw, ka lenrualte u, lo tho r’u,

Kan ram khua a var chiang ta e;

Ka thlang sappui nun ianga lengin,

Hnam nun chawisan i tum ve ang.

Tunah hnam tin zawng zawng te hianin,

Suihlungrualte’n zai tin kan vawr;

Hnam tin min hruaitu Y.M.A hi,

Sakhming dai lo te’n ding rawh se.

Aw, ka pianna Zoram ka thlahlel,

Zotui thiang dam te’n a luanna;

Chhung kim lenrual dar ang kan lenna,

Hmatiang sawnin vul zel rawh se.