Kan Pathian kulhpui nghet a ni

Lettu: Rev. Dr. Lalsawma

Key: D

Kan Pathian kulhpui nghet a ni,

Himna hmunpui, chhe thei lo;

Sualna tuilian fawn vel mah se,

A nghing lo vang, kan himna.

Setana ral lian chuan,

Fing tak leh thiam takin,

Vervekna ralthuam nen,

Min tihchhiat a tum reng;

Leilian hneh thei an awm lo.

Kan chakna ringin tang ila,

Kan theihtawp pawh a thlawn ang;

Mahse, ka zam lo – Tanpuitu,

Pathian mi ruat kan neih hi.

Tu nge ni, in zawt maw?

Krista Isua ngei kha;

Sipaihote Lalpa,

Kumkhuaa pangngai kha,

Aman dovin a hneh dawn.

He lei hi ramhuai lo khatin,

Keini min tihchhiat tum se,

Kan hlau lo vang, min hnehtir dawn,

Pathian ngei chuan – A thuin.

Thim Lal, rapthlak ber chu,

Kan hlau lo’ong engtin pawh;

Thinurin thawk mah se,

Pathian thuin a that ang.

Pathian thutak an hneh chuang lo’ng,

Lei mi chakte pung khawmin;

Thlarau Thianghlim leh thilpekte,

Lalpan min pe, min pui si.

Lei ro leh chhungkuate,

Kan nun nen la rawh se;

Taksa an tihlum thei,

Pathian ram a ding reng dawn.