Kam khat a tawk

Phuahtu: Zirsangzela Hnamte

Key: C

Hawi vel changin lung a wi thei lo,

Min dantu kawl a zau thui lua e,

A zual thin suihlunglen;

I sakhmel tawng lova len reng zawng,

Luaithli nul ka bang thei dawn nem le;

Uaiin  dairial ka chang hial awm e,

Ngaih lai enchim loh te, min hre reng la,

I rauthla tal suihlunglen hnem a’n;

Tirin rawn leng ve la tuar a nem ang,

I tawngkam khat a tawk thinlai dam nan.

Lenna tlangte chu dang rih mahse,

Englaipaw’n ka nghilh lo che, min han-

Ngai ve tak ang che maw?

Rial ang ral mai lo se, i aw mawi,

A cham reng si ka thinlai rukah,

Par ang vul zel la damte’n mangtha.