Ka ring lo che

Phuahtu: Zisangzela Hnamte
Key: G

Dawn lungrukah i hlui thei lo,

In then tawh mah ila;

Ngam-te’n lengdang tang bel mah la,

I tan ka la inpumpek e.

Mual liam mah la cham reng si,

I an nem thin laian;

Nau ang kan nuih lai zan te kha,

Hai bik hian e ka ring lo che.

Riakmaw iangin ka vai ruai e,

Engnge dam chhan ni ta?

Rial ang a dai e laikhum pawh,

Enchim loh di i liam hnu chuan,

Ngamtea kai ka nuam mang e,

An run, sakhmel tawn nan!

Ngaih lai i zual, dawn lungrukah,

Chatuan lunglen zawng a sei em mai!

Engtin dawn ve thin che maw e!

Awmlai vei iang kei zawng;

Senlai nau ang ka tap bang lo,

Zunleng hrui ang a sei lua e.