Ka hmang ral leh thin

Key: A                        - Zirsangzela hnamte

Hmangaih ber duhlai ka enchim loh di,

I tawna lunglen a nem thei mawlh lo

Kan sul I hnu leh I hlimthla thlirin

Chhunni leh zan khua ka hmangral leh thin.

      Inthen lawng tia biahthu di kan tiam kha,

      Tawnmang chang maian, ka phal lo

      Ka phal lo Ma-i, ka phal thei mawlh lo

      Ka tah nan khua reng a sei dawn em mai.

Tuanna tlang dangin chhingkhual vangkhua a’n

Engtin tuar che maw, suihlung len hi

Kei zawng e Ma-i i ngai reng reng hian

Chhun ni leh zan khua ka hmangral leh thin.

Ka chung turnipui thangvan zawl kaiin,

I thaikawi bawngte ka lunglai hnemtu

Kan run lo kai maw ti a dawn chung hian

Chhun ni leh zan khua ka hmangral leh thin.

Hun leh ni te hi rial ang ral thuai se

Chutin e nang nen duhaisam kim nan

Tawn ni her thuai se tia thlir chung hian

Chhun ni leh zan khua ka hmangral leh thin.