Ka Awmhar Lung a Len ni Hian

                                    -  Patea

Ka awmhar lung a len ni hian, aw ka Lalpa,

Min awm ang che, I hmel duhawm;

Kei khawhar lungngai rethei tan,

Ka tah mittui a lo hul ang.

Aw, ka ngai che, ka chhandamtu,

Min hruai ang che, I tlang thianghlim

Ka thlen hma chuan, Lalpa,

Min kalsan suh ang che.

Ka lawm chang ni-te chu kawlah a liam leh thin,

Khua a lo ngui, zan a lo thleng;

Ka hnenah awm ang che, Lalpa,

Awmhar nem te’n ka tuar nang e.

Lungngaite lawma kan lenna tur ni ropui,

Eng tikah nge ka hmuh ang che;

Angel, lungruala an lenna,

Aw ka thlir bang thei dawn nem maw!

Ka tah chang ni-te tam mah se, aw, Lal Isu,

Aw, then lohna, i ram tiam chu;

Lungduhte nena lenza hun

Tur chuan ka tahna a tireh.