Isu, i thu ka ngaihtuahin,

Lettu: Reb.F.W. Savidge

Keu: A

Isu, i thu ka ngaihtuahin,

Ka lo lawm em em thin;

I hmel tak ka hmuh hunah chuan,

Ka lawmna a zual ang.

Khawvel aw mawi zawng zawng hian,

Ri mawi tinreng zingah;

Mihring chhandamtu i hming hi,

Thawm mawi ber a ni fo.

Inchhirte beisei chhan i ni,

Retheite lawmna pawh;

Tlu tawhte chungah i tha si,

I zawngtu chungah pawh.

Nang hmututen an lawmzia hi,

Thuin an sawi thei lo;

Isua hmangaih nasatzia hi,

Hmututen an hre fo.

Isu, ka lawmna ber ni la,

Leiah leh vanah pawh;

Kan chhuan ber chu lo ni fo la,

Chatuan hmun thleng pawhin.