I hun I hmang tha em

Key: A                        - Rokunga

Aw hun leh kumte chu, Ni tin an ral zel a,

Mi hausa leh mi ropuite;

Sang tam tak an liam ta,

Kan hlim ni leh lawm lai ni pawh,

Mual an liam ta, kir an rel lo.

Kan pan lai hunte leh, Kan vanglai nite kha,

Dawn kirin lunglen a zual em!

Thinlai kawl ang a hnim;

Ngai mah ila, au mah ila,

Mual an liam ta, Kir an rel lo.

Khawvel sum zawngte pawh, rial ang an ral thei e,

Khawvel pum pawh nei mah ila,

Lung a awi chuang lo’ng e,

Hunten an liampui leh ang a,

Ar ang vaihna khua a sei thlawn.

Hei erawh min chhang teh, I hun I hmang tha em?

Thil tha tiin, sualna do la,

Nunna kawng dik zawh la;

Tin, chatuan lawmna I nei ang,

Hun danglam tawh lohnaah chuan.