Haleluia, Aw Haleluia, Amen

Key: D                        - R. L. Kamlala

Haleluia, aw Haleluia, Amen,

Kalvaria hmangaihna thisen zarah,

Tahna ram leh lungngaihna zan thim hi,

Hlimna van pialral khian a rawn en.

Lawmna a chul lo vang,

Haleluia! Haleluia!

Fakin awm zel rawh se, Beramna chu,

A hmangaihnain lungngaih a hnem.

Aw Thlarau, leng rawh, lawmna rimtui ber,

‘Haleluia!’ tiin thlaler ram hi,

Lawmin an awi nuam e, khawhar riangin,

Nang I awm chuan lei van a chang thin.

Kumkhaw ram leh chatuan a ral hma zawng,

Lawmna eng ropui, van saron par mawi;

Aw, I vul lai reng hi a chul dawn lo,

Nang hi ka ngai ber che min awm rawh.

Aw, khawvel hian hria se, Lal ropui,

Van angel zingah lawman thla zarin,

Kalvaria Beramno hmangaihna hi,

Awiin an zai ve ang chatuanin.