Fam Ngaih Zun-leng a Tho Leh e

                                    - Pastor P.D.Sena

Fam ngaih zun-leng a tho leh e,

Thal favang, fur khaw thiang hnuaiah;

Chung khaw ri leh hlimthla-lengin,

Lunglen a din thar leh e.

Hlim lai kawlkung a zam ral ta,

Chhung kim lai ka ngai mang e;

Din thar leh thiam awm tak ang maw!

Tah lai min hnem a’n.

Rawn thlir ve maw, rauthla-lengin!

Awih lai a nuam ve dawn mang e;

A chun, rih sang kai hnu hlimthla,

A hrai riangin lo ngen e.

Hnem thiam awm maw, zaleng zingah,

Lung hnemtu tawn ka nuam mang e;

Ka tap, ka zawng, hmar tlang tluanin,

Siang lawi tur ka tlei chuang lo.