Engvang nge ni?

                          - Zirsangzela hnamte

Kan vangkhua hi a zau lua em ni,

Sakhmel tawn loh chhung a rei mang e;

Thaikawi palai tirh chang pawhin

Hun tam a liam I sul tawn nan.

      Aw ngaih ber lenmawi, engvang nge maw ni le?

      ‘Ka duh che asin’ tia biahthu hlan lai,

      I nghilh bik hian ka ring si lo.

I sakhmel tawn leh ni tur nghak hian

Ka vai ruai thin e lenrual zingah

Nang lo chu min hnem awm si lo;

Ka ngai em che ka di hmel tha.

I chinlai ten min hal vang em ni?

Nge hmelma anka leng vang zawk le?

Kam khat talin min chhang ve the,

A zual zel si ka lunglen hi.