Eden Hlui Hi Kan Hnuchhawn Ram

                                    - C.Z Huala

Eden hlui hi kan hnuchhawn ram a ni,

Ni tin hma lam kan thlir fo thin;

Buaina chhum hi kiangin a mawi rih lo,

Tapa, tlai nilen a awl mang e.

Aw, Eden thar, ka ngai em a che,

Chhun, ni tinin ka han thlir che;

Aw, hmana ka lenrual hlui kal tate zawng,

Sih nau ang nuizain ka hmu.

Awmhar ka tah ni hian thlir vel ila,

Buaina chhum piah ram lo lang saw;

A va mawi em, lungduhte tual lenna,

Lal Imanuela ram a ni.

Khawvelah hian hlun chhung reng an awm lo,

Tapin, lunduh kan then fo thin;

Eden thar tuallaia lengte zawng chu,

An tah lai, nau ang an nui leh ta.

Ngai mah ila, I ram thlen hma hi zawng,

Ka tah nan khua a sei lua e;

I buatsaih ram thianghlim min thlen ve la,

Tah lai hi puan ang ka bang tawh ang.