Darthlalang

Key: G                        - Zirsangzela Hnamte

Run tin mawi tu, Awihlai Dar mawi,

I tel lo chuan hring fa leng rel;

A kim thei lo, kumtluang chena danglam ngai lo,

Thudik tantu, huaisenna thuam famkim sinin,

Roreltu dik I lo ni e.

Par tlan sirva nungcha zawng ten,

An iai nem Khuanu malsawmna;

Mahse duham chin lem nei lo hringfa lengten,

Kan ble thin che tukchhuakin maw, I zarah hian,

Mawi leh zualna beisei chungin.

Hrilin sawi thiam ve mai the se,

Engtin hril ang maw hringnun hi;

Hunliam tawh hnu thup bo tuma mawina tinreng,

Sawi ang bela Siamtu kutchhuak duhtawk lo hian,

Bumhmang kan lo chang leh si thin.

Mahse nang chu danglam ngai lo,

Thudik tantu I ni si a;

Khawvel mawina inbumna thil mai mai te hian,

Chatuan an tling zo dawn si lo, awihlai Darmawi,

Hmuhtira fiahtu I ni e.