Cho loh Di

Key:                            - Zirsangzela hnamte

Hmangaih tia au chung zelin,

Mahriak lunglen ka tuar ang maw?

A na a ni cho loh di ngaih chu,

Ngaihlai bangin ka mawi si lo.

      A ngurpui nun iang ve teh ila,

      I chun leh zua lenrual tawnah;

      Hai chham lo ten palai lengin,

      Run hmun len thu an thlung ve tur.

Uai leh chul mai atan maw,

A thiangten biahthu kan lo tiam le,

Thanhawl sakhming lian phurh loh vanga,

Inthen mai zawng a na a ni.

I tan chuan e ka di bawihte,

Thansiam khuavel partin lawrin;

An sawi a ngurpui nun cho ve a,

Nun kal lam ang her ka zuam asin.

Rairah riang chan a na mang e,

Inthenna ram pialleiah hian;

Nunhlui ngaia suihlunglen mai,

A riang ka chan tawk a lo ni ta.