Chatuan Kawngkhar Ropui

Phuahtu - L.Biakkima

Chatuan kawngkhar ropui an hawn hunin,

Hmangaihtu zarah ka thleng ve ang;

Chu hmun ropui ka thlen hunah chuanin,

Ka hlimna leh lawmnate an chuai tawh lo’ng.

Lei hrehawm tahna ram ka ngai tawh lo’ng,

Natna leh lungngaihna zawng zawng leh

Hmangaih lungduh inthen a awm tawh lo’ng;

Thihna leh lungngaihnate an bo tawh ang.

Chu hmun ropui ka thlen hunah chuanin,

Hmangaih mittui nen ka thente kha;

Ka han hmu ang, van ropuina ha-in,

Lalpa hmangaihna zaiin kan awiza ang.

Lei hrehawm leh lungngaihna ram pela,

Ka tah lai zan thim a ral hunin;

Van Jerusalem thar mawiah chuanin,

Ram hlun hring dam diai chungah kan leng tawh ang.

Van hmun ropui hmangaihna ram nuamah,

Lungngaih leh hrehawmna zawng zanwg leh

Inthenna leh tah reng a awm tawh lo’ng,

Chatuanin lawmna hla mawi kan rem tawh ang.