Aw, a vul lai mual a liam ta

                                    ­‑ Ralngama

Aw, a vul lai mual a liam ta,

Aw, a sakhmel par ang a chuai;

Tapin ka au, lunglam ka vai,

Khuarei tinkim zawng aw, ka dawn khawlin.

Aw, ka han thlir a, buaina chhum piah ram saw,

‘Tah chuan lawmin tual an leng e;

Lungngai, riangvai, rethei Lalpa-

Lal lai par tlanin an lengza.

Hmuh ka nuam e, thlafam vangkhua,

Han chuan ilang hringlang tlangah;

Chutah ka tuai kha leng ang maw!

A chun leh zua lam reng hi hawi ve maw!

Lung-lo siktui thiang an dawn e,

Hawi-lo par vul lai an thliak e;

Min ngai loin mual an liam ta,

An hmangaih chhandamtu hnen an thleng ta.

Min hruai ve rawh, ka Lal Nunnem,

I lenna thangvan sangah khian;

Ka tuai lungduh then takte nen,

Hlim tawp hlau loin tual kan lengza ang.