Aw Hmangaih

Laltanpuia Tochhawng

Aw vawikhat chauh tal i sakhmel leh aw i anka nem,

Hlimtea tawn leh besei vangin aw ka rawn pan che;

Min lo hmuak la, a ruktein aw hmangaih D te;

In run chhungah chhigkhual changin riah run ka rem ve nan.

Aw i chun leh zua kiangah chhingkhual biangno hriat reng reng lo iangin min lo bia ang che

Aw a ruk te erawh chuan hmangaih biahthu tangah pawmin hnemten min lo hlan zawk la

Aw hmangaih hlimlai hun tawite chu amten i hmang dun ang aw.

Aw kan lenna tlang a dang si aw a pawi ber mai,

Suihlung len tuar zo lo hian e romei zam karah;

Ka thlir thin a, in lenna tlang aw a ruk tein,

Tinlai rukah nau ang ka tap tawn tur i awm silo.

Mahse ni rei ka cham hman dawn lo aw bawihte i kiangah

Sam ang thenin lenna tlang chu dang rih mah se aw;

Rinawm te hian awm thin ang che kumsul vei pawhin,

Khunu zarah runhmun len hun aw a her ngei ang.