Autograph

Key: G                            - Zirsangzela hnamte

Tuahrem lai suih, chunro ianga,

Bawm thir hnuai chhung chang tawh hnu,

Ai emaw! Ka dawn ni a,

Tuan tul lai tak ka hawn nia le?

      Autograph biahthu zua iang hriltu,

      Rual kim lenlai min ngaihtir e;

      Thlir changin, lunglen ni rel a rei,

      Hai ang tar lo, Rualhlui sakhmel.

Hmana sial ang ka lei laiin,

Ka duang nem che maw- lunglen;

Kal siam chang tin reltluang khaman,

A hnemah tal tuan nang che maw.

Ram loh siahthing vahkhuai iangin,

Sikpui kan tawng kan tin zo ta;

Khawi an tuan ve ang maw aw?

Hmana lungrual zai vawr za kha.

Laisuih tuahrem khar tin hawnin,

Biahmang thu tin zai ang hril e;

Hei ang reng a than ngur hlan hi,

Ka hringnun hian tawng leh ang maw?